Учуутал, эн үрдүк ааккар сүгүрүйэбит!
Алтынньы 6 күнүгэр, Учуутал күнүгэр анаан уонна СССР Народнай учуутала Алексеев Михаил Андреевич 100 сааһын көрсө Бэрдьигэстээх сэлиэнньэтин биир бастын оскуолатын тиэргэнигэр «Учуутал, эн үрдүк ааккар сүгүрүйэбит» диэн «Учуутал скверын» арыйар үөрүүлээх тэрээһинэ буолан ааста. Бу ытык сир Улууспут үтүөлээх учууталларыгар үйэлэргэ сүгүруйүү, махтал бэлиэтинэн буолар. Тэрэһиннэ «Горнай улууһа» муниципальнай тэриллии баһылыгын солбуйааччыта Владимир Владимирович Спиридонов, Ил Түмэн депутата, республикатааҕы лицей-интернат директора Иван Иванович Шамаев, Михаил Андреевич уола Михаил Михайлович Алексеев уонна улууспут киэн туттар ветеран учууталлара, оскуола оҕолоро кыттыыны ыллылар.
Учуутал сквера Бэрдьигэстээх сэлиэнньэтин биир кэрэ көстүүлээх, ытык сиринэн буолуоҕа диэн бигэтик эрэнэбит!