Горнай улууһун уонна Саха национальнай спордун кѳрүҥнэрин сайыннарар киин икки ардыгар түһэриллибит сѳбүлэн чэрчитинэн, олунньу 27-28 куннэригэр Дьокуускайга Баһылай Манчаары аатынан саха национальнай спордун кѳрүҥнэрин сайыннарар киинин «Модун» спортивнай комплексын базатыгар физкультура учууталларыгар, тренердэрэгэ аналлааах национальнай спорт кѳрүҥэригэр семинар буолан ааста. Икки күннээх үѳрэххэ улуустан оскуола учууталлара, спортинструктардар, тренердэр, уопсайа 18 буолан кыттыыны ыллылар. Семинар программатын чэрчитинэн бастакы күн саха спордун сайыннарыыга туһуламмыт нормативно-правовой актар, методическай кѳмѳлер тустарынан директоры солбуйааччы Г.М. Мохначевскай, програмно-методическай киин начальнига М.М. Ершов билиһиннэрдилэр. Хас биирдии кѳрүҥ аайы ураты болҕомто ууруллан, үѳрэх программата сѳптѳѳхтүк тыырыллан оҥоһуллубута биһирэннэ. Республикабыт биллэр тренердаэрэ бэйэлэрин уопуттарын сиһилии кэпсээн, маастыр-кылаастары кѳрдѳрдүлэр, ол курдук улахан дьоҥҥо атах оонньуутугар СР сүүмэрдэммит хамаандтын кылаабынай тренерэ М.Н. Оегостуров, СР оҕолорго сүүмэрдэммит хамаанда тренера И.П. Пестряков, М.И. Яковлев, хапсаҕайга СР үтүѳлээх тренэрэ П.И. Бурцев, Баһылай Манчаары киинин тренердэрэ В. И.Данилов, П. Е.Саввинов, мас-тардыһыыгар СР үтүѳлээх тренэрэ, Россия сүүмэрдэммит хамаандатын сүрүн тренэрэ Н.Э. Константинов, дьахталларга Россия сүүмэрдэммит хамаандатын тренэрэ Я.Ю. Захарова,оҕолорго Россия сүүмэрдэммит хамаандатын тренэрэ А. В. Агапов, В. В.Протопопов, хотугу многоборьеҕа тренэр А. Г. Сыромятников, А. Р. Чикачев, гиирэҕэ Саха Республикатын үтүѳлээх тренера, В. Н.Дьячковскай, остуол оонньуутугар Баһылай Манчаары аатынан киин тренера Н. Н. Белолюбская үѳрэттилэр. Семинар чэрчитинэн хотугу многоборье федерациятын эппиэттээх директора С. Е. Андреев, «Организационные основы проведения спортивных мероприятий по национальным видам спорта», М. К. Аммосов аатынан ХИФУ психолога, п.н.к., доцент В.В.Находкин «Особенности психологической грамотности в системе спортивной подготовки» диэн темалаах сүрдээх интириэһинэй лекцияларын иһиттилэр. Маны таһынан Баһылай Манчаары аатынан саха национальнай кѳрүҥнэрин сайыннарар киин улэһиттэрин уонна Горнай улууһун хамаандатын икки ардыгар волейболга табаарыстыы күрэх буолла. «Модуннары» кытта үлэбитин салгыы ыытабыт, уонна муус устар ыйга Горнай улууһугар Модун күннэрин ыытарга былааннаһан, чопчулаһан кэллибит. Кэлэр, 2021 сылга саха сирин олимпиадатын, Манчаары оонньууларын үрдүк таһымна ыытыыга, хамаандалары бэлэмнээһиннэ туһалаах сүбэлэри, Республикабыт биллэр тренердэриттэн ылан, үѳрэх сүрүн соругун толору ситэн, астынан кэллилэр.
|