Размер шрифта: A AA Изображения Выключить Включить Цвет сайта Ц Ц Ц Х
Пятница, 13.12.2019, 08:59
Главная Мой профильРегистрация ВыходВход
Вы вошли как Гость · Группа "Гости"Приветствую Вас, Гость · RSS
Меню сайта
ГИА
НОКО
Отдел ООО
Отдел СОО
Воспитание
ДОУ
Мини-чат
Статистика

Онлайн всего: 1
Гостей: 1
Пользователей: 0
 
Главная » 2013 » Апрель » 15 » Удьуор утум салҕанар
04:19
Удьуор утум салҕанар



Бастыҥ дьиэ кэргэҥҥэ – бирииһэ миэбэл.

«Бүгүн – дьоро киэһэ, бүгүн – истиҥ иэйии, үлүскэн үөрүү, ыллыктаах ыра санаа, ылбаҕай ырыа, нарын үҥкүү уонна саха кылыһахтаах тойуга бииргэ буолар  ытык-мааны түһүлгэтэ!» диэн тылларынан, кулун тутар 31 күнүгэр Семен, Софрон Даниловтар ааттарынан Духуобунас киинигэр, сыл биир сонун бырайыага, республикаҕа аан бастакытын  ыытыллар «Утум» дьиэ кэргэнинэн күрэҕэ дохсун ытыс тыаһынан саҕаланна. 
Бу күн Духуобунаспыт сырдык киинигэр тоҕуоруһа мустубут дьон-сэргэ Мэҥэ Хаҥалас, Бүлүү уонна улууспут талааннаах дьиэ кэргэттэрин кытта бииргэ буолан, кинилэрдиин долгуйа үөрэн, астынан тарҕастылар. 
Дьиэ кэргэн духуобунай сыаннастарын үрдэтэр, дьиэ кэргэни түмэр, тыа сирин саха сайдам ыалларын үксэтэр, өйүүр сыаллаах «Утум» бырайыакка улууспутугар былырыын 13 дьиэ кэргэн кыттыыны ылбыта. Оттон быйылгы күрэх кэҥээн, республика таһымыгар тэрилиннэ уонна 16 талааннаах дьиэ кэргэни түмтэ. 
«Утум» күрэҕи бырайыак автордара СР культуратын туйгуна Татьяна Афанасьевна, СР культуратын үтүөлээх үлэһитэ Георгий Георгиевич Сергучевтар бэйэлэринэн кэлэн сыаналаабыттара, көрбүттэрэ-истибиттэрэ суолтатын, таһымын өссө үрдэтэн биэрдэ. 
Бу киэһэ сыанаҕа симэнэн, киэргэнэн тахсыбыт бииртэн биир ураты көстүүлээх саха үгэһин өрө тутар дьиэ кэргэттэр чахчы саха ыалыгар удьуор утум баарын уонна ол салҕанар аналлааҕын, ыччаттарыгар үтүө холобур буолан салгыы сайдар кыахтааҕын итэҕэтиилээхтик көрдөрдүлэр. Оттон көрөөччүлэр лоп бааччы бириэмэтигэр тэрээһиннээхтик, биир тыынынан ыытыллыбыт тэрээһинтэн дуоһуйдулар эрэ. 
«Утум» дьиэ кэргэттэрин күрэҕин түмүгүнэн кыайыылаахтарынан, Гран при хаһаайыттарынан Солоҕонтон төрүттээх талааннаах Семеновтар дьиэ кэргэттэрин утумнааччы бииргэ төрөөбүт Саргылаана, Ларик Семеновтар Бэрдьигэстээхтэн ааттаннылар. Кинилэр бырайыак генеральнай спонсора чааһынай предприниматель  Д.Ф. Максимов бирииһинэн миэбэлининэн наҕараадаланнылар. Үҥкүүгэ лауреатынан Мэҥэ Хаҥалас Хаптаҕайыттан кыттыыны ылбыт Карина Васильева таайынаан Гаврил Поповтуун, дипломаннарынан Бэрдьигэстээхтэн Эдита Лукина кыыһынаан Аиналыын ааттаннылар. Фольклорга лауреатынан Ефремовтар дьиэ кэргэн ансаамбыла (Бэрдьигэстээх), дипломанынан  Дария Алексеева кыыһынаан Светалыын (Орто Сурт) буоллулар. Ырыа түһүлгэтин 1-кы степеннээх лауреатынан Айаана Полятинская кыыһынаан Мичилийэлиин (Бэрдьигэстээх), 2-с степеннээх лауреатынан  Сайыына Егорова убайынаан Ариан Егоровтыын (Мытаах, Дьокуускай), 1-кы степеннээх дипломаннарынан Полина Прокопьевна, кыргыттара Елизавета, Антонина, Вероника Осиповалар (Бэрдьигэстээх), 2-с степеннээх дипломаннарынан Слава, Стасик Олесовтар (Бэрдьигэстээх) ааттаннылар.
Бырайыак «Саамай кыра кыттааччыта» номинацията Кэптинтэн элбэх оҕолоох эдэр ыал Григорьевтар (Алена Николаевна, Алина, Карина, Маришка) дьиэ кэргэн  кыра кыыстарыгар 2 саастаах Маришкаҕа, «Иллээх дьиэ кэргэн» - Орто Суртан  Маргарита Егоровна, Николай Егорович, Настя, Игорь, Айынаат, Дьулус Чемезовтар дьиэ кэргэттэригэр, «Бырайыак бочуоттаах ыалдьыта» -  Бүлүү улууһун 1-кы Күүлэтиттэн Сырдаана Петровна, Рома, Роберт Степановтар дьиэ кэргэттэригэр, «Көрөөччү биһирэбилэ» - Мэҥэ Хаҥалас Хаптаҕайыттан Карина Васильева, Гаврил Попов дьиэ кэргэнигэр ананнылар.
«Бу курдук биһиги олохпутугар айар талаан аргыстаһан, утум салҕанан, сырдыгынан сыдьаайан, өрүүтүн бииргэ буолуохтун!» - диэн баҕа санааларын этэн туран, тэрийээччилэр Туйаара Ксенофонтова, Анна Семенова, Агафия Ефремова, Сардана Кривошапкина («Аjарdыk» студия) «Утум» бырайыак ыытыллыытын өйөөбүт, ис сүрэхтэриттэн күүс-көмө буолбут бары спонсардарыгар дириҥ махталларын тириэрдэллэр.

Просмотров: 821 | Добавил: Champa | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
МКУ "УО" © 2019
ГОРЯЧАЯ ЛИНИЯ
  • Телефон доверия: 8(4112)-42-10-28, +7(495)104-68-38
  • Горячая линия: ЕГЭ: 8(4112)-42-10-46, ОГЭ: 8(4112)-42-10-48, +7(495)984-89-19
  • Горячая линия МКУ "УО": 8(41131)4-15-42
Форма входа

Время
Поиск
Календарь
«  Апрель 2013  »
ПнВтСрЧтПтСбВс
1234567
891011121314
15161718192021
22232425262728
2930
ЭОР
Обратная связь
Имя отправителя *:
E-mail отправителя *:
Web-site:
Тема письма:
Текст сообщения *:
Оценка сайта:
Код безопасности *:

Отправка СМС
Друзья
Бесплатный конструктор сайтов - uCoz