Вторник, 24.05.2022, 22:44
Главная Мой профильРегистрация ВыходВход
Вы вошли как Гость · Группа "Гости"Приветствую Вас, Гость · RSS
Меню сайта
ГИА
НОКО
Отдел ООО
Отдел СОО
Воспитание
ДОУ
Мини-чат
Статистика

Онлайн всего: 1
Гостей: 1
Пользователей: 0
 
Главная » 2022 » Апрель » 7 » Наукаҕа хардыы салҕанар
11:29
Наукаҕа хардыы салҕанар

                 Быйылгы үөрэх сылыгар билиигэ-көрүүгэ сирдээбит, үтүөҕэ-кэрэҕэ угуйбут тапталлаах оскуолабыт 90 сыллаах үбүлүөйүн үрдүк таһымнаахтык бэлиэтээтибит. Маалтааны нэһилиэгэ  оскуола сырдык аана арыллыаҕыттан, дьоно-сэргэтэ, ыччата үөрэххэ тардыьыылара, үөрэҕи ылыныылара ордук күүстээҕинэн биллэр. Ол курдук, нэhилиэкпитигэр икки сүүсчэкэ киhи урдук үөрэх кыһатын үөрэнэн бүтэрдилэр. Биһиги биир дойдулаахтарбытын техническай наука доктордара, профессордар Егор Николаевич Чемезов, Борис Николаевич Заровняев, геолого-минералогическай наука кандидата Алексей Гаврильевич Павлов, техническай наука кандидата Эдуард Федорович Сидоров, психологическай наука кандидата Февронья Ивановна Алексеева, педагогическай наука кандидата Георгий Петрович Андреев, географическай наука кандидата Степан Прокопьевич Варламов ааттарынан нэьилиэк олохтоохторо киэн туттабыт. Уерэх-иитии улэтигэр үтүө  кылааттарын киллэрсибит Саха АССР үтүөлээх учууталлара Петр Дмитриевич Егоров, Федора Герасимовна Павлова, Парасковья Кононовна Потапова, Николай Петрович Павлов, Афанасий Иннокентьевич Сидоров онтон да атыттар ааттара биһиги киэн туттуубутунан буолаллар.

Кэптин орто уопсай үөрэхтээһин оскуолатын үөрэнээччилэрэ төһө да ыраах, уһук нэһилиэккэ олордорбут, куйаар ситимин туһанар кыахпыт суоҕуттан иҥнибэккэ араас конкурстарга, научно-практическай конференцияларга тиһигин быспакка кыттабыт.   Оскуолабыт оҕолоро, быйылгы үөрэх дьылыгар, араас таһымнаах научнай-практическай конференцияларга ситиhиилээхтик кытыннылар. Ол курдук, республикатааҕы “Инники хардыы” научнай-практическай конференция5а Алексеев Айастаан, 8 кылаас үөрэнээччитэ, үһүс истиэпэннээх диплом (сал. Варламов П.П.), Егорова Снежана, 11 кылаас үөрэнээччитэ, үһүс истиэпэннээх диплом (сал. Винокурова Е.Е.), Бутун Арассыыйатааҕы Л.П.Ларионов аатынан «Ларионовскай ааҕыыларга» Алексеева Тома, 11 кылаас үөрэнээччитэ, Лауреат (сал. Григорьева А.Н.), Чемезова Аня, Винокурова Уля, 11 кылаас үөрэнээччилэрэ, (сал. Лукавина Т.И.) бастакы истиэпэннээх диплом, Тимофеев Арсен, 7 кылаас үөрэнээччитэ, бастакы истиэпэннээх диплом  (сал. Винокурова Е.Е.), Лукина Маргарита, 8 кылаас үөрэнээччитэ, иккис истиэпэннээх диплом (сал Прокопьева А.А.),республикатаа5ы  XI «Бессоновскай аа5ыыларга»   Алексеев Айастаан бастакы истиэпэннээх диплом (сал Варламов П.П.), Игнатьева Саманта 9 кылаас уерэнээччитэ бастакы истиэпэннээх диплом (сал Аексеева Н.В.), Сидоров Альберт үһүс истиэпэннээх диплом (сал Алексеева Н.В.) ылары ситистилэр

Ону таһынан, быйылыгы үөрэх дьылыгар ураты ситиһиибитинэн кулун тутар 25-28 куннэригэр  Казань куоракка ыытыллыбыт Н.И.Лобачевскай аатынан бутун Россиятаа5ы научно-практическай конференция кыттыы буолар. Күрэс бастакы туурун ааһан, 8 үөрэнээччи баран ситиhиилээхтик  кыттан кэллилэр. Ол курдук, Тимофеев Арсен, 7 кылаас үөрэнээччитэ, «История развития животноводства в Малтанинском наслеге Горного улуса РС(Я) с 1931 по 2020гг» үлэтинэн иккис истиэпэннээх дипломунан (сал Винокурова Е.Е.), Лукина Рита, 8 кылаас үөрэнээччитэ,   «Исследование физических свойств тканей для повседневной одежды северян» үлэтинэн  иккис истиэпэннээх дипломунан (сал Прокопьева А.А.), Винокурова Уля, Чемезова Аня 11 кылаас үөрэнээччилэрэ «Джинсовая ткань в технике лоскутного шитья» үлэлэринэн иккис истиэпэннээх дипломунан (сал Лукавина Т.И, Чемезова М.Н.). Алексеев Айастаан, 8 кылаас  үөрэнээччитэ, «Описание минералов в шлихах р.Мэкэлэ (на примере Малтанинского наслега Горного улуса РС(Я)»  үлэтинэн үһүс истиэпэннээх дипломунан (сал Варламов П.П.), Заровняев Дима, 10 кылаас уерэнээччитэ, «Выявление «погрешностей» музыки известных якутских фильмов способом «золотого сечения»»  үлэтинэн үһүс истиэпэннээх диплом (сал Алексеева А.Г.), Алексеева Тома, 11 кылаас үөрэнээччитэ, «Техника валяния и плетения из конского волоса в домашних условиях» (сал Григорьева А.Н) кыттыбытын туоhулуур туоһу суругунан, Павлов Аян «Каталог авторского нестандартного оборудования для для занятий физической культурой» кыттыбытын туоһулуур туоһу суругунан (сал Павлова С.В.), Егорова Снежана, 11 кылаас үөрэнээччитэ, «Манчаары-якутский национальный герой или обыкновенный разбойник по версии А.Е.Кулаковского»  кыттыбытын туоhулуур туоhу суругунан (сал Винокурова Е.Е.) наҕараадаланнылар. Ыраах куоракка баран ситиһиилээхтик кыттан кэлбит уерэнэччилэрбитин, кинилэр салайааччыларын ис сурэхпититтэн эҕэрдэлиибит уонна инникитин да сайда-үүнэ туралларыгар баҕарабыт.  Оҕолорбутун салайан ыыппыт оскуолабыт дириэктэригэр Заровняева И.В., илдьэ сылдьыбыт учууталларбытыгар - Саргылана Владимировнаҕа, Марта Никаноровнаҕа, Айсена Анатольевнаҕа, ыраах айаҥҥа үбүлээн, өйөөн, тэрийэн ыыппыт оҕолорбут күндү төрөппүттэрбитигэр барҕа махталбытын  тиэрдэбит.

Кептин орто оскуолатын уөрэх чааһын дириэктэри солбуйааччы

 Алена Николаевна Григорьева.

Просмотров: 19 | Добавил: admin | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
МКУ "УО" © 2022
ГОРЯЧАЯ ЛИНИЯ
  • Телефон доверия: 8(4112)-42-10-28, +7(495)104-68-38
  • Горячая линия: ЕГЭ: 8(4112)-42-10-46, ОГЭ: 8(4112)-42-10-48, +7(495)984-89-19
  • Горячая линия МКУ "УО": 8(41131)4-15-42
  • Горячая линия по дистанционному обучению: 8(41131)4-14-08
Форма входа

Время
Поиск
Календарь
«  Апрель 2022  »
ПнВтСрЧтПтСбВс
    123
45678910
11121314151617
18192021222324
252627282930
ЭОР
Обратная связь
Имя отправителя *:
E-mail отправителя *:
Web-site:
Тема письма:
Текст сообщения *:
Оценка сайта:
Код безопасности *:

Отправка СМС